2016 Rhif 305 (Cy. 101)

Y GWASANAETH IECHYD GWLADOL, CYMRU

Rheoliadau’r Gwasanaeth Iechyd Gwladol (Ffioedd a Thaliadau Optegol) (Diwygio) (Cymru) 2016

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn diwygio Rheoliadau’r Gwasanaeth Iechyd Gwladol (Ffioedd a Thaliadau Optegol) 1997 (“y Rheoliadau Optegol”) sy’n darparu ar gyfer taliadau i’w gwneud drwy system dalebau o ran y costau yr aethpwyd iddynt gan gategorïau penodol o bersonau mewn cysylltiad â phrofion golwg a chyflenwi, amnewid a thrwsio teclynnau optegol.

Mae rheoliad 2 a’r Atodlen yn diwygio Atodlenni 1, 2 a 3 i’r Rheoliadau Optegol i gynyddu gwerth y talebau a ddyroddir tuag at y gost o gyflenwi ac amnewid sbectolau a lensys cyffwrdd, i gynyddu gwerthoedd ychwanegol y talebau ar gyfer prismau, arlliwiau, lensys ffotocromaidd a chategorïau arbennig o declynnau ac i gynyddu gwerth y talebau a ddyroddir tuag at y gost o drwsio ac amnewid teclynnau optegol.

Mae rheoliad 3 yn gwneud darpariaeth drosiannol mewn perthynas â thalebau a dderbyniwyd neu a ddefnyddiwyd cyn 31 Mawrth 2016.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.

 

 

2016 Rhif 305 (Cy. 101)

Y GWASANAETH IECHYD GWLADOL, CYMRU

Rheoliadau’r Gwasanaeth Iechyd Gwladol (Ffioedd a Thaliadau Optegol) (Diwygio) (Cymru) 2016

Gwnaed                                  3 Mawrth 2016

Gosodwyd gerbron Cynulliad Cenedlaethol Cymru                                        7 Mawrth 2016     

Yn dod i rym                             1 Ebrill 2016

Mae Gweinidogion Cymru yn gwneud y Rheoliadau a ganlyn drwy arfer y pwerau a roddwyd gan adrannau 128, 129, 130, a 203(9) a (10) o Ddeddf y Gwasanaeth Iechyd Gwladol (Cymru) 2006([1]).

Enwi, cychwyn, cymhwyso a dehongli

1.—(1) Enw’r Rheoliadau hyn yw Rheoliadau’r Gwasanaeth Iechyd Gwladol (Ffioedd a Thaliadau Optegol) (Diwygio) (Cymru) 2016 sy’n dod i rym ar 1 Ebrill 2016.

(2) Mae’r Rheoliadau hyn yn gymwys o ran Cymru.

(3) Yn y Rheoliadau hyn—

ystyr “y Rheoliadau Optegol” (“the Optical Regulations”) yw Rheoliadau’r Gwasanaeth Iechyd Gwladol (Ffioedd a Thaliadau Optegol) 1997([2]).

Diwygio’r Atodlenni i’r Rheoliadau Optegol

2.—(1) Mae Atodlenni 1 i 3 i’r Rheoliadau Optegol wedi eu diwygio yn unol â darpariaethau canlynol y rheoliad hwn.

(2) Yn Atodlen 1 (codau llythrennau ac wynebwerthoedd talebau – cyflenwi ac amnewid) yng ngholofn (3) o’r tabl (wynebwerth taleb), yn lle pob swm a bennir yng ngholofn (1) o dabl 1 isod rhodder y swm a bennir mewn perthynas ag ef yng ngholofn (2) o’r tabl isod:

Tabl 1

(1) Swm Blaenorol	(2) Swm Newydd
£38.70	£39.10
£58.70	£59.30
£86.00	£86.90
£194.10	£196.00
£66.80	£67.50
£84.80	£85.60
£110.10	£111.20
£213.40	£215.50
£198.80	£200.80
£56.40	£57.00

(3) Yn Atodlen 2 (prismau, arlliwiau, lensys ffotocromaidd, sbectolau bach a sbectolau arbennig, a theclynnau cymhleth)—

(a)     ym mharagraff 1(1)(a), yn lle “£12.50” rhodder “£12.60”;

(b)     ym mharagraff 1(1)(b), yn lle “£15.20” rhodder “£15.40”;

(c)     ym mharagraff 1(1)(c), yn lle “£4.30” rhodder “£4.40”;

(d)     ym mharagraff 1(1)(d), yn lle “£4.80” rhodder “£4.90”;

(e)     ym mharagraff 1(1)(e), yn lle “£63.60”, “£56.40” a “£30.50” rhodder “£64.20”, “£57.00” a “£30.80” yn eu trefn;

(f)      ym mharagraff 1(1)(g), yn lle “£63.60” rhodder “£64.20”;

(g)     ym mharagraff 2(a), yn lle “£14.50” rhodder “£14.60”; a

(h)     ym mharagraff 2(b), yn lle “£37.00” rhodder “£37.40”.

(4) Yn lle Atodlen 3 (gwerthoedd talebau - trwsio), rhodder yr Atodlen 3 a nodir yn yr Atodlen i’r Rheoliadau hyn.

Darpariaeth drosiannol

3. Dim ond mewn perthynas â thaleb a dderbynnir neu a ddefnyddir yn unol â rheoliad 12 neu reoliad 17 o’r Rheoliadau Optegol ar 1 Ebrill 2016 neu ar ôl hynny y mae’r symiau a amnewidir gan reoliad 2 yn gymwys.

 

Mark Drakeford

Y Gweinidog Iechyd a Gwasanaethau Cymdeithasol, un o Weinidogion Cymru

3 Mawrth 2016

YR ATODLEN Rheoliad 2(4)

Atodlen 3 i’r Rheoliadau Optegol fel y’i hamnewidir gan y Rheoliadau hyn

“SCHEDULE 3

Voucher Values Repair  Regulation 19(2) and (3)

 

(1) Nature of Repair	(2) Letter of Codes - Values
	A	B	C	D	E	F	G	H	I
	£	£	£	£	£	£	£	£	£
Repair or replacement of one lens	12.15	22.25	36.05	90.60	26.35	35.40	48.20	100.35	93.00
Repair or replacement of two lenses	24.30	44.50	72.10	181.20	52.70	70.80	96.40	200.70	186.00
Repair or replacement of: the front of a frame	12.45	12.45	12.45	12.45	12.45	12.45	12.45	12.45	12.45
a side of a frame	7.35	7.35	7.35	7.35	7.35	7.35	7.35	7.35	7.35
the whole frame	14.80	14.80	14.80	14.80	14.80	14.80	14.80	14.80	14.80”